بالوں کی بہترین صحت کے لیے انہیں کتنے دن بعد دھونا چاہیے؟ ماہرین نے بالآخر اس سوال کا حتمی جواب دے دیا ہے۔ انڈیا ٹائمز کے مطابق ماہرین کا کہنا ہے کہ روزانہ بال دھونا بظاہر ایک اچھا آئیڈیا لگتا ہے لیکن اس سے آپ کے بال اور سر کی جلد خشک ہو سکتی ہے اور انہیں نقصان پہنچ سکتا ہے کیونکہ روزانہ نہانے سے جلد سے قدرتی آئل ختم ہو جاتے ہیں۔ بعض لوگوں کو روزانہ بال دھونے کی ضرورت پیش آتی ہیں کیونکہ ان کے بال میں قدرتی طور پر بہت آئل ہوتا ہے یا ایسے لوگ جنہیں پسینہ بہت زیادہ آتا ہے۔ باقی لوگوں کے لیے روزانہ بال دھونا ضروری نہیں ہے۔ بالوں کو ہر دو دن بعد دھونا کئی لوگوں کے لیے بہترین عمل ہو سکتا ہے، کیونکہ اس طرح باقاعدگی سے بال صاف بھی رہتے ہیں اور قدرتی آئل بھی ضائع نہیں ہوتے اور جلد کے خشک ہونے سے بالوں کو نقصان بھی نہیں پہنچتا۔ ہفتے میں تین تین بال دھونا سب سے بہترین اور متوازن عمل ہے۔ اس سے سر کی جلد بخوبی صاف رہتی ہے اور جلد بھی خشک نہیں ہوتی۔ ماہرین کا کہنا تھا کہ ہمیں گاہے نہانے سے قبل بالوں کی اچھے تیل سے مالش بھی کرنی چاہیے۔
