قبرستان اراضی قبضہ کیس میں نامزد بشریٰ بی بی کے سابق شوہر خاور مانیکا کی درخواست ضمانت بعد از گرفتاری پر عدالت نے 13 نومبر کو اینٹی کرپشن سے ریکارڈ طلب کر لیا۔تفصیلات کے مطابق لاہور ہائیکورٹ کے جسٹس علی باقر نجفی نے خاور مانیکا کی درخواست بعد از گرفتاری پر سماعت کی۔ خاور مانیکا کے وکیل نے عدالت کے روبرو مؤقف اختیار کیا کہ خاور مانیکا پر محکمہ اوقاف کی زمین پر قبضہ کرنے کا الزام ہے۔ اراضی 1938 سے مانیکا خاندان کے پاس ہے اور کبھی بھی اوقاف کے پاس نہیں رہی،استدعا کی کہ عدالت خاور مانیکا کی ضمانت کا حکم دے۔عدالت نے سرکاری وکیل سے استفسار کیا کہ محکمہ اوقاف کے پاس مذکورہ اراضی کا نوٹیفکیشن ہے؟ سرکاری وکیل نے مؤقف اختیار کیا کہ ایڈیشنل پراسیکیوٹر جنرل عدالت میں پیش نہیں ہو سکے۔جسٹس علی باقر نجفی نے سماعت 13 نومبر تک ملتوی کرتے ہوئے اینٹی کرپشن سے کیس کا ریکارڈ طلب کر لیا۔
