فحش فلموں کی سابق لبنانی نژاد امریکی اداکارہ میا خلیفہ فلسطین پر اسرائیلی مظالم کے خلاف کھل کر آواز اٹھاتی آرہی ہیں اور اب امریکہ میں تین فلسطینی طالب علموں پر فائرنگ کے واقعے پر بھی وہ چپ نہیں رہیں او راس حوالے سے انسانی حقوق کے کارکن ارجن سیٹھی کی ایک ایکس پوسٹ کو ری کیا ہے۔نیوز ویک کے مطابق اس پوسٹ میں ارجن سیٹھی لکھتے ہیں کہ تین فلسطینی کالج سٹوڈنٹس کو امریکی ریاست ورماﺅنٹ میں گولیاں مار دی گئیں۔ ان طالب علموں میں سے دو نے ’کوفیة‘ (مخصوص فلسطینی مفلر)پہن رکھا تھا۔ارجن سیٹھی نے اپنی پوسٹ میں ایک تصویر بھی پوسٹ کی جس میں بتایا گیا ہے کہ کوفیة کے ڈیزائن کے اجزاءکس کس چیز کی عکاسی کرتے ہیں۔رپورٹ کے مطابق واردات کے طالب علموں پر فائرنگ کرنے والے ملزم کو گرفتار کر لیا گیا۔ یہ واردات امریکی ریاست ورماﺅنٹ کے شہر برلنگٹن میں ہوئی۔ طالب علم رات کے وقت کھانے کے لیے جا رہے تھے جب ان پر فائرنگ کر دی گئی۔پولیس کی طرف سے 48سالہ جیسن جے ایسٹن نامی ملزم کو گرفتار کیا گیا ہے۔ پولیس کا کہنا ہے کہ ملزم موقع واردات کے سامنے ہی ایک اپارٹمنٹ میں رہتا تھا۔ اس کے اپارٹمنٹ کی تلاشی کے دوران اہم شواہد ہاتھ لگے ہیں جن سے ثابت ہوتا ہے کہ اسی نے طالب علموں پر فائرنگ کی۔ رپورٹ کے مطابق تینوں طالب علموں کی عمر 20سال تھی۔ پولیس کے مطابق ملزم ایک ہینڈ گن کے ساتھ طالب علموں کے سامنے آیا اور ان سے کوئی بات کیے بغیر ان پر فائرنگ کر دی جس کے نتیجے میں تینوں زخمی ہو گئے۔ دو طالب علموں کی ہسپتال میں حالت مستحکم بتائی جاتی ہے تاہم تیسرا طالب علم تشویشناک حالت میں بتایا جا رہا ہے۔طالب علموں میں ہشام عورطانی براﺅن یونیورسٹی، کنعان عبدالحمید ہیورفورڈ کالج پنسلوانیا اور تحسین احمد کنیکٹیکٹ کے ٹرینٹی کالج میں زیر تعلیم تھا۔
