کراچی کے علاقے گلستان جوہر میں کامران چورنگی کے قریب گھر سے ایک ہی خاندان کے 4 افراد کی سربریدہ لاشیں برآمد ہوئی ہیں۔ریسکیو ذرائع کے مطابق چاروں افراد کو تیز دھار آلے سے قتل کیا گیا، مقتولین میں ماں اور تین بیٹے شامل ہیں، بچوں کی عمر 10 سے 15 سال کے درمیان ہے۔پولیس کے مطابق مقتول خاتون کی شناخت صائمہ جبکہ بچوں کی اشہد، شاہ زین اور احد کے نام سے ہوئی ہے۔ پولیس کا کہنا تھا کہ مقتول خاندان کے سربراہ نے تھانے پہنچ کر بتایا کہ جس وقت اس کے اہل خانہ کو قتل کیا گیا وہ گھر پر موجود نہیں تھا، پولیس کی ٹیمیں اور دیگر متلعقہ ادارے موقع پر پہنچ چکے ہیں اور واقعے سے متعلق تحقیقات شروع کردی گئی ہیں۔
