اکثر اوقات آپ کو شادی کے مواقعوں پر یہ طعنہ سننے کو ملتا ہو گا کہ اب دوستوں کا دامن چھوٹ گیا اور بیوی کا پلو تھام لیا ، دوستوں سے ملاقات کا اب وقت بھی نہیں ملتا لیکن امام الحق نے ان تمام دقیانوسی جملوں کو مسترد کرتے ہوئے بابراعظم کے ساتھ خوبصورت تصاویر کے ساتھ دلچسپ پیغام جاری کر دیا ہے ۔امام الحق اب شادی کی تقریبات سے فارغ ہونے کے بعد اہلیہ کے ہمراہ قومی ٹیم کے ساتھ دورہ آسٹریلیا پر روانہ ہو گئے ہیں ۔ اس موقع پر امام الحق نے روانگی سے قبل بابراعظم کے ساتھ ایک دلچسپ تصویر شیئر کی اور ساتھ پیغام درج کیا کہ ’ شادی تو ہو گئی لیکن دیکھ لو بھولا نہیں ہوں میں ‘ ۔
Shaadi to ho gai, but dekh lo bhula nahi mein 😜❤️@babarazam258 pic.twitter.com/cNJCqp5g6m
— Imam Ul Haq (@ImamUlHaq12) November 30, 2023
امام الحق نے حال ہی میں اپنی دور کی رشتہ دار انمول سے پسند کی شادی کی ہے جن کا تعلق ناروے سے ہے اور وہ پیشے سے ڈاکٹر ہیں ۔قومی ٹیم کے بیشتر کھلاڑیوں نے ٹریننگ کیمپ میں مصروفیت اور دن بھر کی تھکان کے باوجود پی سی بی سے خصوصی اجازت لیتے ہوئے شادی کی تقریبات میں شرکت کی ۔
