پیپلزپارٹی کے رہنما اور سابق صوبائی وزیراطلاعات شرجیل میمن نے دعویٰ کیا ہے کہ عام انتخابات میں کراچی سمیت سندھ سے 99 فیصد نشستیں پیپلزپارٹی جیتے گی۔حیدرآباد میں میڈیا سے گفتگو میں ان کا کہنا تھا کہ عوام باشعور ہیں،مزید نفرتوں کی سیاست کا حصہ نہیں بنیں گے، نفرتوں کی سیاست نے ہمیں بہت نقصان پہنچایا ہے۔شرجیل میمن کا مزید کہنا تھا کہ بڑی جماعتوں کی باڈی لینگویج بتا رہی ہے کہ وہ الیکشن نہیں چاہتیں،اس وقت پیپلز پارٹی سب سے آگے ہے، ہمارا فوکس اس وقت اپنے ووٹرز کو اعتماد دینا ہے، عوام سمجھدار ہیں غلط فیصلہ نہیں کریں گے۔
