چیئرمین سینیٹ صادق سنجرانی کے بھائی رازق سنجرانی کو ایم ڈی سینڈک کے عہدے سے ہٹانے کا معاملہ ہائیکورٹ میں چیلنج کردیا گیا۔ رازق سنجرانی نے اسلام آباد ہائیکورٹ میں عہدے پر بحالی کیلئےدرخواست کی جو کل سماعت کے لیے مقرر کردی گئی ہے، اسلام آباد ہائیکورٹ کے چیف جسٹس عامر فاروق درخواست کی سماعت کریں گے۔یاد رہے کہ وزیراعظم انوارالحق کاکڑ نے رزاق سنجرانی کو ایم ڈی سینڈک کے عہدے سے ہٹانے کی منظوری دی تھی جس کے بعد وزارت پٹرولیم نے انہیں ڈی نوٹیفائی کردیا تھا اور رازق سنجرانی کو مستقل سرکاری ملازمت سے بھی برطرف کردیا گیا تھا۔
