لاہور بار انتخابات کے دوران ہوائی فائرنگ کے الزام پر 40 وکلاء کیخلاف مقدمہ درج کر لیاگیا۔نجی ٹی وی “کے مطابق مقدمے میں دہشت گردی ، اقدام قتل، کارسرکار میں مداخلت اور املاک کو نقصان پہنچانے کی دفعات شامل کی گئی ہیں۔ ایف آئی آر میں درج کیا گیا ہے کہ وکلاء نے فائرنگ کر کے ڈی ایس پی کی وردی پھاڑی اور اس پر تشدد کیا۔ واضح رہے کہ لاہور بار ایسوسی ایشن کے انتخابات میں عاصمہ جہانگیر گروپ کے امیدوار صدر اور جنرل سیکرٹری کے عہدوں پر کامیاب ہوئے تھے۔ صدر کے عہدے پر منیر اکرم بھٹی 3 ہزار 834 اور رانا نعیم طاہر 4 ہزار 10 ووٹ لے کر جنرل سیکرٹری منتخب ہوئے۔
