سنی علماء کونسل کے علامہ مسعود الرحمان عثمانی کے قتل میں ملوث 3 ملزمان کو گرفتار کرلیا گیا۔ مسعود الرحمان کو گزشتہ دنوں اسلام آباد میں نشانہ بنایا گیا تھا۔سیکیورٹی ذرائع کے مطابق علامہ مسعود الرحمان عثمانی کے قتل میں ملوث 3 ملزمان کو مختلف شہروں سے گرفتار کیا گیا۔سیکیورٹی ادروں نے فوٹیج کی مدد سے 4 ملزمان کی نشاندہی کی تھی جس کے بعد ایک ملزم کو منڈی بہاؤالدین، ایک کو راولپنڈی اور ایک ملزم کو اسلام آباد سے گرفتار کیا گیا۔گرفتار ملزمان کا تعلق کالعدم تنظیم سے ہے۔یاد رہے کہ 5 جنوری کو وفاقی دارالحکومت اسلام آباد میں سنی علماء کونسل پاکستان کے مرکزی ڈپٹی جنرل سیکرٹری علامہ مسعود الرحمان عثمانی حملے میں جاں بحق ہوگئے تھے جبکہ ایک شخص زخمی بھی ہوا تھا۔
