سربراہ جے یوآئی (ف) مولانا فضل الرحمان کا کہنا ہے کہ برادر پڑوسی ملک ایران اور پاکستان کے تعلقات برادرانہ ،مضبوط ،گہرے ، تاریخی اور صدیوں پر محیط ہیں ،ایران کو کوئی شکایت تو کارروائی کے بجائے بات چیت کرے۔ایران پاکستان کے تعلقات کی نوعیت ایسی نہ تھی کہ ایران پاکستان کو اعتماد میں لیے بغیر اس طرح کی غیر معمولی کارروائی کرے،پاکستان کی جوابی کارروائی ایک طرح کا احتجاج ریکارڈ کرانا تھا تاہم دونوں ممالک مزید طاقت کے استعمال کے بجائے سفارتی ذرائع کو استعمال میں لاتے ہوئے رابطے اور گفتگو سےباہمی تعلقات کو معمول پر لانے کا آغاز کریں اور تلخی میں مزید اضافے کو روکنے کیلئے پرامن اقدامات کریں۔ ان کا مزید کہنا تھا کہ صورتحال کو باہمی اعتماد سے کنٹرول نہ کیا گیا تو دشمن قوتیں فائدہ اٹھا سکتی ہیں،کارروائی سے ایک دن قبل بھارتی وزیر خارجہ کے دورہ ایران سے شکوک وشبہات میں اضافہ ہورہا ہے ۔
