نگران وزیراعظم انوار الحق کاکڑ کا کہنا ہے کہ گردشی قرضے میں کمی کیلئے حکومت ہر ممکن اقدامات اٹھا رہی ہے۔گردشی قرضے میں کمی لانے کیلئے تمام اسٹیک ہولڈرز کو مل کر کام کرنا ہوگا۔توانائی کے شعبے میں گردشی قرضے میں کمی کے لائحہ عمل پر جائزہ اجلاس سے خطاب میں ان کا کہنا تھا کہ حکومت سنبھالتے ہی ہم نے ترجیحی بنیادوں پر معیشت کی بحالی کیلئے اقدامات کئے،گردشی قرضے میں کمی لانے کیلئے حکومت ہر ممکن اقدامات اٹھا رہی ہے،گردشی قرضےکے خاتمے کیلئے ایک مؤثر، دیرپااور قابل عمل حکمت عملی بنا کر پیش کی جائے،انسدادِ بجلی چوری آپریشن سے بجلی کی تقسیم کار کمپنیوں کی وصولیوں میں خاطر خواہ بہتری آئی ہے. اجلاس کو مختلف کمپنیوں کے گردشی قرضوں کے حوالے سے آگاہ کرتے ہوئے اس قرضے میں کمی کے لئے مختلف تجاویز بھی پیش کی گئیں. وزیرِ اعظم نے متعلقہ وزارت کو وزارتِ خزانہ سے مل کر اس حوالے سے مشاورت کے بعد ایک جامع و پائیدار لائحہ عمل بنا کر پیش کرنے کی ہدایت دی۔
