5 دسمبر کو عام تعطیل کا اعلان

پنجاب کے ضلع شیخوپورہ میں ضمنی انتخابات کے باعث 5 دسمبر کو عام تعطیل کا اعلان کیا گیا ہے

پنجاب کے ضلع شیخوپورہ میں ضمنی انتخابات کے باعث 5 دسمبر کو عام تعطیل کا اعلان کیا گیا ہے۔

تفصیلات کے مطابق پنجاب اسمبلی کے حلقہ پی پی 139 فیروز والا میں 5 دسمبر کو ضمنی انتخاب ہوگا جس کے پیش نظر الیکشن کے روز ضلع بھر میں عام تعطیل کا اعلان کیا گیا ہے۔

5 دسمبر کو عام تعطیل کا نوٹیفکیشن بھی جاری کر دیا گیا ہے۔

ڈپٹی کمشنر آفس کی جانب سے عام تعطیل کا نوٹیفکیشن جاری کر دیا گیا۔

پنجاب اسمبلی کی پی پی 139 کی نشست رانا افضل حسین کے انتقال کے بعد خالی ہوئی تھی جو اس سے قبل ضمنی انتخاب میں رکن پنجاب اسمبلی منتخب ہوئے تھے جس کے بعد رانا تنویر حسین کی نشست خالی ہوئی تھی۔

مزید پڑھیں: الیکشن کمیشن نے بازئی کے حلقہ این اے 262 پر ضمنی انتخابات کے شیڈول کا اعلان کر دیا

الیکشن کمیشن آف پاکستان (ای سی پی) نے شیخوپورہ کے ڈپٹی کمشنر شاہد عمران مارتھ کو ڈسٹرکٹ ریٹرننگ آفیسر مقرر کر دیا ہے۔

شیخوپورہ کے ایڈیشنل ڈپٹی کمشنر (ریونیو) عثمان جلیس ریٹرننگ آفیسر جبکہ فیروز والا کے اسسٹنٹ کمشنر محمد عدیل خان اور فیروز والا کے ڈپٹی ڈسٹرکٹ ایجوکیشن آفیسر رانا بختیار احمد ضمنی انتخابات کے لیے اسسٹنٹ ریٹرننگ آفیسر کے طور پر کام کریں گے۔ پی پی 139 شیخوپورہ میں الیکشن۔