افغان طالبان نے پاکستان کے خلاف سرحد پار کارروائیوں میں ملوث 200 جنگجوؤں کو گرفتار کرلیا ہے۔امریکی میڈیا رپورٹ کے مطابق افغان طالبان نے دہشتگردی کی روک تھام کے لیے اقدامات شروع کردیئے ہیں، افغانستان کی عبوری حکومت کے رہنماؤں نے تحریک طالبان پاکستان کے خلاف کریک ڈاؤن کی تفصیلات پچھلے ہفتے کابل میں اسلام آباد سے آنے والے اعلیٰ سطح کے وفد کو ملاقات میں بتائیں۔ دو ہفتے قبل چترال کی شمالی سرحد پر دو پاکستانی چیک پوسٹوں پر سیکڑوں مسلح دہشتگردوں نے حملہ کیا تھا جس میں پاک فوج کے سیکیورٹی اہلکار شہید ہوئے۔پاکستان کے اعلیٰ وفد اور افغان حکام کے درمیان اسی معاملے پر پچھلے ہفتے کابل میں ملاقات ہوئی تھی۔ افغان حکام پاکستان کے ساتھ ملحقہ سرحد کے قریب دیگر ٹی ٹی پی کارندوں کو کسی اور مقام پر منتقل کرنے کے مرحلے میں ہیں۔
