کرکٹ کی دنیا پر راج کرنے والا بوم بوم شاہد آفریدی نے سپرفکس انٹرنیشنل ٹیپ بال کرکٹ لیگ میں بطور برانڈ ایمبیسڈر معاہدے پر دستخط کردئیے۔ چئیر مین سپر فکس نوید احمد جو خصو صی طور پر دبئی سے کراچی شاہد آفریدی کی رہائش گاہ پہنچے اور وہاں پر انہوں نے شاہد خان آفریدی کو سپرفکس انٹرنیشل ٹیپ بال کرکٹ لیگ کے حوالے سے بریفنگ دی اور شاہد خان آفریدی نے نوید احمد کی ٹیپ بال میں اس طرح کے ایونٹ کی بھر پور تعریف کی ۔سپر فکس چئمپئن شپ یکم دسمبر کو شارجہ کرکٹ سٹیڈیم میں شروع ہوگی اور یہ ایونٹ تین دن تک شارجہ سٹیڈیم میں جاری رہے گا جس میں ٹوٹل8 ممالک کی ٹیمیں شرکت کریں گیں جس میں انڈیا اور پاکستان کی ٹیمیں بھی شامل ہوں گی۔ چئیرمین سپر فکس نوید احمد نے شاہد خان آفریدی کو ٹورنامنٹ کا برانڈ ایمبسڈر بننے پر مبارکباد دی اور کہا کہ میں نے یو اے ای کے علاوہ پاکستان میں بھی کرکٹ کے فروغ کے لیے بہت سے اقدامات کیے اور ہمارےپاس ایک منظم ٹیم ہے جو سپر فکس کے پلیٹ فارم سے اپنی خدمات سرانجام دے رہی ہے نوید احمد نے کہا کہ داؤد بوچھ جو پورے پاکستان میں کرکٹ کے فروغ کے لیے ہمیشہ سرگرم رہتے ہیں اسی طرح وہ سپرفکس انٹر نیشنل ٹیپ بال ایونٹ میں بھی متحرک ہیں اور پاکستان میں انہوں نے سپرفکس چئمپئن شپ کے لیے بہت زبردست کام کیا۔ نوید احمد نے مزید کہا کہ شاہد خان آفریدی جو کرکٹ کا ایک بڑا نام ہے، ان کا ہمارے ساتھ بطور برانڈ ایمبیسڈر دستخط کرنا ہماری بہت بڑی کامیابی ہے اور انشاءاللہ یہ ایونٹ تاریخ ساز ایونٹ ہو گا۔
