الیکشن کمیشن آف پاکستان نے فارم 45 میں ترمیم کردی ہے جس کے بعد فارم میں تاریخ کے ساتھ ساتھ وقت درج کرنا بھی ضروری ہوگا۔ الیکشن کمیشن آف پاکستان کی جانب سے کی جانیوالی ترمیم پر 20 اکتوبر تک اعتراضات جمع کرائے جاسکتے ہیں۔الیکشن کمیشن نے ترمیم کے ذریعے تمام ریٹرنگ افسران کو پابند کیا ہے کہ وہ امیدواروں کے نمائندوں کو فارم 45 دیتے وقت تاریخ کےساتھ ساتھ وقت بھی درج کریں ۔ خیال رہے کہ فارم 45 ووٹوں کی گنتی کے لیے استعمال کیے جاتے ہیں۔
