ہیومن رائٹس واچ نے تصدیق کر دی ہے کہ اسرائیل غزہ اور لبنان پر بمباری میں سفید فاسفورس استعمال کر رہا ہے۔”جنگ ” کے مطابق ہیومن رائٹس واچ کی جانب سے کہا گیا ہے کہ غزہ اور لبنان میں سفید فاسورس کے استعمال کا مطلب شہریوں کو خطرے میں ڈالنا ہے۔غزہ اور لبنان کی ویڈیوز میں سفید فاسفورس کے گولے پھٹتے دکھائی دے رہے ہیں۔ہیومن رائٹس واچ نے یہ بھی کہا ہے کہ غزہ اور لبنان میں سفید فاسفورس کا استعمال بین الاقوامی انسانی قوانین کی خلاف ورزی ہے۔واضح رہے کہ مظلوم فلسطینیوں کی حمایت میں دنیا بھر میں احتجاجی مظاہروں کا سلسلہ جاری ہے ۔
