کراچی کے مختلف علاقوں میں بوندا باندی سے موسم خوشگوار ہوگیا، محکمہ موسمیات کا کہنا ہے کہ کراچی میں آئندہ 2روز کے دوران مطلع ابر آلود اور ہلکی بارش کا امکان ہے۔تفصیلات کے مطابق ملیر،ایئرپورٹ، گرومندر، ناظم آباد، لسبیلہ، لیاقت آباد سمیت دیگر مقامات پر صبح کے وقت بونداباندی ہوئی ،شہر میں شام کے اوقات میں بھی موسم خوشگوار رہا،محکمہ موسمیات کا کہنا ہے کہ مغربی ہواؤں کا سسٹم سندھ پر اثرانداز ہو رہا ہے،جس کے باعث کراچی میں بھی آئندہ 2روز کے دوران مطلع ابر آلود رہنے اور ہلکی بارش کا امکان ہے۔
