چیف میٹرولوجسٹ سردار سرفراز نے کہاہے کہ بحیرہ عرب میں زلزلے کے ممکنہ خطرات موجود ہیں،ممکنہ خطرات کے پیش نظر زلزلے کی حتمی پیشگوئی ممکن نہیں۔نجی ٹی وی کے مطابق چیف میٹرولوجسٹ سردار سرفراز نے کہاکہ مکران کے جنوب میں 50کلو میٹر دور زیرسمندر ٹیکٹونک پلیٹس کا جنکشن موجود ہے، ٹیکٹونک پلیٹس جنکشن سے اطراف کے علاقوں میں زلزلہ، سونامی کبھی بھی آ سکتا ہے۔سردار سرفرازنے کہاکہ ماضی میں بھی اس علاقے میں 8شدت کا زلزلہ آ چکا ہے،ایسا زلزلہ دوبارہ آنے پر کراچی بھی سونامی سے متاثر ہو سکتا ہے، چیف میٹرولوجسٹ نے کہا کہ گزشتہ رات کراچی کے مشرقی علاقوں میں 3اعشاریہ 2کا زلزلہ محسوس کیاگیا،آج صبح 10بجے کے قریب ایران کے ساحلی شہر بند عباس میں 5اعشاریہ 3شدت کا زلزلہ محسوس کیا گیا۔
