سابق وزیراعظم اور پاکستان مسلم لیگ (ن) کے صدر شہبازشریف سے پارٹی رہنماؤں کی ملاقات ہوئی، جس میں نائب صدر ن لیگ حمزہ شہبازشریف بھی میں موجود تھے ،ملاقات میں 21 اکتوبر کی تیاریوں کا جائزہ لیاگیا ،قائد ن لیگ نوازشریف کے استقبال کے انتظامات پر تبادلہ خیال کیاگیا ۔اس موقع پر صدر ن لیگ شہباز شریف کا کہنا تھا کہ وزیراعظم نوازشریف کی قیادت میں عوام کی امیدوں کو پھر پورا کریں گے، ملک کو معاشی تباہی کے گڑھے سے پھر نکالیں گے،نوازشریف کی قیادت میں پھر سب ٹھیک کریں گے ، پھر ثابت کریں گے کہ سب ٹھیک ہوسکتا ہے، 21 اکتوبر وعدوں کی تکمیل کے نئے دور کا آغاز ہے،دِن رات جس طرح رہنما اور کارکن جذبے سے کام کررہے ہیں وہ قابل تحسین ہے۔
