الیکشن کمیشن نے عام انتخابات کے جائزہ کیلئے غیرملکی میڈیا اور مبصرین کو مدعو کرلیا،غیرملکی میڈیا اور مبصرین کی رجسٹریشن کیلئے اوپن ڈور پالیسی رکھی گئی۔نجی ٹی وی چینل کے مطابق الیکشن کمیشن نے کہاکہ کسی سیاسی جماعت سے وابستہ افراد کی بطور مبصر رجسٹریشن نہیں کی جائے گی،ہرغیرملکی صحافی اور مبصر کو تمام کوائف اور دستاویزات جمع کرانا ہوں گی،کسی بھی ادارے سے ملحقہ شخص کی اتھارٹی لیٹر کے بغیر رجسٹریشن نہیں کی جائے گی،ہر غیرملکی صحافی اور مبصر کو حکومت پاکستان سے سکیورٹی کلیئرنس لازمی کرانا ہوگی۔
