حکومت نے سٹرٹیجک پیٹرولیم ذخائر کیلئے فریم ورک تیار کرنے کا فیصلہ کیا ہے. نجی ٹی وی چینل کے مطابق ذرائع کا کہنا ہے کہ اوگرا عالمی ماہرین کی مدد سے نیا فریم ورک فوری طور پر تیار کرے گا، نئے فریم ورک میں ملکی خام تیل ، ریفائنڈ پیٹرولیم ضروریات اور سٹوریج کا تعین کیا جائے گا، نیا فریم ورک مختلف مصنوعات کے سٹرٹیجک پیٹرولیم ذخائر کی مدت کا بھی تعین کرے گا۔ذرائع پیٹرولیم ڈویژن کا کہنا ہے کہ مشرق وسطیٰ کی صورتحال کے باعث فیصلہ کیا گیا،پاکستان فیول درآمد کرتا ہے، سٹوریج صلاحیت بڑھانے کی فوری ضرورت ہے،سٹرٹیجک پیٹرولیم ذخائر پی ایس او کے ذریعے رکھے جائیں گے،اس وقت ملک میں پیٹرولیم کمپنیوں کو 21دن کیلئے پیٹرولیم مصنوعات کا ذخیرہ رکھنا لازم ہے،ذرائع کا کہنا ہے کہ حکومت چاہتی ہے سٹرٹیجک پیٹرولیم ذخائر کم از کم 3ماہ کی مدت کیلئے ہونا چاہئے،حتمی ذخائر اور مدت کا تعین صرف ملکی ضروریات کا بغور جائزہ لینے کے بعد لگایا جاسکتا ہے۔
