نگران پنجاب حکومت نے موٹر سائیکلز، گاڑیوں کی ملکیت تبدیلی فیس میں نمایاں اضافہ کر دیا۔نجی ٹی وی چینل کے مطابق محکمہ ایکسائز نے ٹوکن ٹیکس وصولی کیلئے فی سیٹ کا نظام ختم کردیا، محکمہ ایکسائز نے کہاہے کہ ہارس پاور کی بنیاد پر ٹوکن ٹیکس ادا کرنا ہوگا ۔نگران پنجاب حکومت نے موٹر سائیکلز، گاڑیوں کی ملکیت تبدیلی فیس میں نمایاں اضافہ کر دیا،موٹر سائیکل، سکوٹر کی ملکیت تبدیلی فیس 150 روپے سے بڑھا کر 500روپے کردی گئی ،ایک ہزار سی سی تک کی گاڑی کی ملکیت تبدیلی فیس 1200سے بڑھا کر 2500 روپے کر دی گئی ،1001سے 1800سی سی تک ملکیت تبدیلی فیس 2ہزار سے بڑھا کر5ہزار روپے کر دی گئی،1800سی سی سے زائد ہارس پاور کی گاڑیوں کی ملکیت فیس 10ہزار روپے کردی گئی۔
