لاہور کے علاقے باغبانپورہ میں مالک نے مبینہ طور پر 9 سالہ گھریلو ملازم کو زیادتی کے بعد قتل کردیا۔ پولیس کے مطابق مقتول احسان کی والدہ کی درخواست پر ملزم کے خلاف مقدمہ درج کرلیا گیا ہے، مقدمے میں احسان کی والدہ نے موقف اختیار کیا ہے کہ اس نے اپنے بیٹے کو 5 سال قبل پراپرٹی ڈیلر شان کے گھر ملازم رکھوایا تھا، شان نےپانچ سال میں صرف ایک دفعہ بیٹے سےملنے دیا،ملزم نےاچانک کال کر کے بتایا کہ بیٹے نے خود کشی کرلی جبکہ ہمارے آنے سے پہلے بیٹے کی لاش ڈیڈ ہاؤس پہنچا دی تھی۔ایف آئی آر کا متن کے مطابق مقتول احسان کی والدہ کا کہنا ہے کہ میرے بیٹے کو مالک مکان نے زیادتی کے بعد قتل کیا۔ اس حوالے سے پولیس کا کہنا ہے کہ ملزم شان فرار ہے، اس کی گرفتاری کے لیے چھاپے مارے جا رہے ہیں، مقتول لڑکے کی پوسٹ مارٹم رپورٹ کے بعد حقائق سامنے آئیں گے۔
