وزیراعظم کے نمائندہ خصوصی برائے بین المذاہب ہم آہنگی علامہ طاہر اشرفی کاکہنا ہے کہ عالمی برادری کو اسرائیل کی بربریت روکنے کیلئے اپنا کردار ادا کرنا ہو گا۔علامہ طاہر اشرفی کا پریس کانفرنس میں کہنا تھا مسئلہ فلسطین پوری امت کا ہے۔10ہزار سے زائد فلسطینی شہید ہو چکے ہیں۔حکومت پاکستان، ریاست اور عوام فلسطین کے ساتھ ہیں۔ طاہر اشرفی کاکہنا تھاکہ پاکستان کا مؤقف کشمیر پہ بدلا ہے نہ فلسطین پر،ان معاملات پر پوائنٹ سکورنگ نہ کی جائے۔پوری امت 11 اور 12 نومبر کے اجلاس کی طرف دیکھ رہے ہیں۔او آئی سی اجلاس سے بہت توقعات ہیں ۔امت کی یکجہتی سے فلسطین اور کشمیر کو حق ملے گا ۔ان کا مزید کہناتھا کہ پیغام پاکستان دہشتگردی کے خاتمے کے لیے اہم ہے۔ پاکستان معاشی استحکام کی طرف بڑھ رہا ہے ۔دوست ممالک پاکستان میں بڑی سرمایہ کاری کرنے جارہے ہیں ۔ ڈالر کم ہوا سٹاک ایکسچینج میں تیزی آئی۔
