آسٹریلوی ٹیم کے بلے باز گلین میکسوئل نے یاد گار اننگز کھیلنے کے بعد کہا ہے کہ میں نے پچ پر آکر صرف یہ سوچا کہ اپنی بلے بازی پر فوکس کرنا ہے اور گراونڈ میں بہت متحرک رہنا ہے ۔ ان کا کہنا تھا کہ یہ پرفارمنس صرف اپنے بیٹنگ پلان پر عمل کرنے سے ہوئی ،میرے لیے یہ پازیٹو رہ کر کوشش کرنے اور اس چیلنج کو بھر پور طریقے سے قبول کرنے کی بات تھی ۔ میچ کے بعد گفتگو کرتے ہوئے ان کا کہنا تھا کہ آج بہت گرمی تٍھی ، میں اپنے پیر میں کھنچاو کی تکلیف سے نکلنے کی کوشش کر رہا تھا اور خو ش قسمتی سے میں نے موومنٹیم کو برقرار رکھا ۔ انہوں نے کہا جب میرا ایل بی ڈبلیو آوٹ مس ہوا تو پھر میں نے سوچا کہ اب میں نے اپنی شارٹس کھیلنی ہیں ۔ ان کا کہنا تھا کہ افغان باولرز نے بہت اچھی باولنگ کی جبکہ ہم نے باولنگ میں افغانستان کی ابتدائی وکٹس جلدی نہیؒں حاصل کیں ۔ گلین میکسوئل نے کہا کہ میں نے پہلے بھی ایسی اننگز کھیلی ہیں جس میں مجھے چانس ملا لیکن پھر بھی میں کچھ نہیں کر پا یا لیکن آج چانس ملنے کے بعد میچ جیتنا اچھا لگا ۔
