غزہ کی سکیورٹی سنبھالنے کی امریکی تجویز مصر نے مسترد کردی۔تفصیلات کے مطابق مصر کے صدر عبدالفتاح السیسی کا کہنا ہے کہ امریکہ نے حماس کی شکست کے بعد ہمیں غزہ میں سکیورٹی سنبھالنے کی تجویز دی لیکن ہم نے معذرت کرلی ہے۔امریکی اخبار کے مطابق امریکہ نے تجویز دی کہ مصر حماس کی اسرائیل کے ہاتھوں شکست کے بعد سے فلسطینی اتھارٹی کے غزہ میں حکومت کے قیام تک غزہ کی سکیورٹی کا انتظام سنبھالے۔جس کو مصر کے صدر عبد الفتاح السیسی نے مسترد کردیا۔اس حوالے سے مصری حکام کا کہنا تھا کہ صدر عبدالفتاح السیسی اور ان کی حکومت حماس کو ختم کرنے میں کوئی کردار ادا نہیں کرے گی۔جس پر اسرائیلی وزیرِ اعظم نیتن یاہو نے ایک انٹرویو میں کہا کہ اسرائیل غزہ میں سکیورٹی کی ذمہ داری غیر معینہ مدت کے لیے دوبارہ سنبھال سکتا ہے۔تاہم امریکی خارجہ انٹونی بلنکن نے اسرائیلی وزیراعظم کی اس تجویز کو مسترد کرتے ہوئے کہا تھا کہ اسرائیل کے غزہ پر دوبارہ قبضے کے حق میں نہیں۔بعد میں امریکی صدر نے کہا کہ اسرائیل حماس جنگ ختم ہونے کے بعد بھی اسرائیلی فوجیں غزہ میں ہی رہیں گی اور سکیورٹی معاملات کی نگرانی کریں گی تاہم یہ چند دنوں کے لیے ہوگا۔
