یورپی ملک بیلجئم نے فلسطین کو بطور آزاد ریاست تسلیم کرنے پر غور شروع کر دیا۔نجی ٹی وی کے مطابق بیلجئم نے فلسطین کیلئے 20 لاکھ یورو کی رقم بطور اضافی امداد دینے کا بھی اعلان کیا ہے۔ بیلجئن وزیر برائے ترقیاتی تعاون کیرولین جینز کا کہنا تھا کہ ان کی حکومت فلسطین کو بطور آزاد ریاست تسلیم کرنے پر غور و حوض جاری رکھے ہوئے ہے، فلسطین کیلئے معاشی استحکام اور دیر پا امن انتہائی ضروری ہے۔ واضح رہے کہ اسرائیل غزہ کے ہسپتالوں، سکولوں اور مساجد کے ساتھ ساتھ پناہ گزین کیمپوں کو بھی نشانہ بنا رہا ہے، بچوں اور خواتین سمیت شہادتوں کی تعداد 11 ہزار تک پہنچ چکی ہے جبکہ زخمیوں کی تعداد 28 ہزار سے زائد ہے۔
