لڑکی سے بات کرنے پر بارہویں جماعت کے طالب علم کی انگلیاں کاٹ دی گئیں۔بھارتی میڈیا کے مطابق 21 اکتوبر کو دارالحکومت نئی دہلی میں بارہویں جماعت کا ایک طالب علم اپنی ہی کلاس میں پڑھنے والی ایک لڑکی سے بات کررہا تھا جو سکول کے ایک سینئر طالب علم کو پسند نہ آیا اور وہ غصے میں آگیا۔ لڑکی سینئر طالب علم کی ٹیوشن کلاس میں پڑھتی تھی،بعدازاں سکول ختم ہونے کے بعد سینئر اُس لڑکے کو پارک میں لے گیا جہاں اسے پہلے پتھر سے مارا اور پھر اس کی انگلیاں کاٹ دیں۔ بتایا جارہا ہے کہ ڈر اور خوف کے مارے بارہویں جماعت کے طالب علم نے اپنے ماں باپ کو پیش آئے واقعے سے متعلق جھوٹ بولا اور بتایا کہ اس کی انگلیاں موٹر سائیکل کی چین میں آکر کٹ گئیں لیکن والدین کے سوال کرنے پر اس نے سچ بتادیا جس پر پولیس کو شکایت درج کرائی گئی اور یہ معاملہ میڈیا کے بھی سامنے آیا۔پولیس کے مطابق ملزم کے خلاف ایف آئی آر درج کرلی گئی ہے اور مزید قانونی کارروائی کی جارہی ہے۔
