العزیزیہ اور ایون فیلڈ کیس میں پیشی کیلئے مسلم لیگ (ن) کے قائد نوازشریف مری سے اسلام آباد روانہ ہو گئے۔نجی ٹی وی کے مطابق سابق وزیراعظم نوازشریف نے العزیزیہ اور ایون فیلڈ کیسز میں سزاوں کے خلاف اپیلیں دائر کر رکھی ہیں جن پر آج اسلام آباد ہائیکورٹ میں سماعت ہو رہی ہے۔ اس موقع پر سکیورٹی کے سخت انتظامات کئے گئے ہیں، نوازشریف کی فول پروف سکیورٹی کیلئے اسلام آباد ہائیکورٹ رجسٹرار آفس کی جانب سے سرکلر جاری کیا گیا تھا جس میں آئی جی اسلام آباد کو حفاظتی انتظامات یقینی بنانے کی ہدایت دی گئی تھی۔واضح رہے کہ عدالت نے نوازشریف کے لندن سے وطن واپسی پر اپیلیں بحال کر دی تھیں۔
