راشد منہاس روڈ پر شاپنگ مال میں لگنے والی آگ کی ابتدائی تحقیقاتی رپورٹ کرلی گئی۔کراچی میٹروپولیٹن کارپوریشن کے محکمہ فائر بریگیڈ کی جانب سے جاری کردہ رپورٹ کے مطابق 11 افراد آگ لگنے کی وجہ سے نہیں بلکہ دم گھٹنے سے جاں بحق ہوئے،6منزلہ شاپنگ میں ایمرجنسی انخلاء کے راستے موجود نہیں تھے،شاپنگ مال میں حفاظتی اقدامات نہیں کیے گئےتھے،حادثے کی صورت میں بیک اپ پر بجلی کا نظام موجود نہیں تھا۔ رپورٹ کے مطابق ایمرجنسی صورتحال میں بچاؤ کے راستوں کی نشاندہی کی لائٹس موجود نہ تھیں،مال میں 210 دکانیں تھیں جس میں سے بیشتر کو بچایا گیا،45 دفاتر کے ملازمین مال میں آگ کی وجہ سے پھنسے جنہیں ریسکیو کیا گیا،مال میں ہواداری کا نظام نہ ہونے کی وجہ سے دھواں بھرا،8 فائر ٹینڈرز نے آگ پر قابو پانے کے لئے کام کیا۔
