قومی ایئرلائن پی آئی اے نے جعلی ڈگریوں پر بھرتی ملازمین سے متعلق وفاقی تحقیقاتی ادارے ایف آئی اے کو مراسلہ بھجوایا ہے۔ تفصیلات کے مطابق مراسلے میں کہا گیا کہ ایف آئی اے اسلام آباد زون کی پی آئی اے ملازمین کے خلاف تحقیقات جاری ہیں۔ پی آئی اے نے اسلام آباد اسٹیشن سے 2016 سے 2023 تک 14 ملازمین جعلی ڈگریوں پر برطرف کیے۔ برطرف ملازمین میں ڈپٹی چیف پائلٹ آفیسر، بیگیج اٹینڈنٹ، سینئر ٹیکنیشن اور دیگر شامل ہیں۔
