یوگانڈا کی کرکٹ ٹیم نے پہلی مرتبہ انٹرنیشنل کرکٹ کونسل ٹی 20 ورلڈکپ کیلئے کوالیفائی کرلیا۔ٹی ٹوئنٹی ورلڈکپ کوالیفائرز میں آج یوگانڈا اور روانڈا کے درمیان مقابلہ ہوا جس میں یوگانڈا نے 9 وکٹوں سے مخالف ٹیم کو شکست دے کر ٹی 20 ورلڈکپ کیلئے کوالیفائی کرگیا۔ یوگانڈا نے اس سے قبل کینیا اور زمبابوے کو بھی شکست دے کر ٹورنامنٹ کا بڑا اپ سیٹ کیا۔ یوگانڈا پوائنٹس ٹیبل میں زمبابوے سے بہتر پوزیشن پر ہونے کے باعث پہلی مرتبہ ٹی ٹوئنٹی ورلڈکپ کا حصہ بن گیا۔خیال رہے کہ نمیبیا، آئرلینڈ، اسکاٹ لینڈ، کینیڈا، اومان اور نیپال کی ٹیمیں پہلے ہی ٹی ٹوئنٹی ورلڈکپ کیلئے کوالیفائی کرچکی ہیں۔ میگا ایونٹ آئندہ سال ویسٹ انڈیز اور امریکا کی میزبانی میں کھیلا جائے گا۔
