ادارہ شماریات نے اشیا ضروریہ کی قیمتوں سے متعلق رپورٹ جاری کردی ہے جس کے مطابق گھی، چینی اور چکن کی قیمتوں میں کمی ہوئی ہے ۔ ادارہ شماریات کے مطابق ہفتہ وار بنیادوں پر مہنگائی کی شرح میں0.23 فیصد کی کمی ہوئی ہے جبکہ ملک میں مہنگائی کی سالانہ شرح41.05 فیصد پر آگئی ہے ۔ رپورٹ کے مطابق ایک ہفتے میں13 اشیاء مہنگی ہوئی ، 14 اشیاء سستی ہوئیں،جبکہ 24 اشیاء کی قیمتوں میں استحکام رہا۔حالیہ ہفتے میں پیاز 22 روپے68 پیسے فی کلو،کیلے 2 روپے 97 پیسے فی درجن,لہسن 13روپے 49 پیسے فی کلو ،دال چنا 2 روپے 52 پیسے دال اورماش 4 روپے 49 پیسے مہنگے ہوئے جبکہ انڈے, چاول, مٹن اور بیف بھی مہنگا ہوا ۔ اس کے علاوہ حالیہ ہفتے میں ٹماٹر28 روپے 5 پیسے، آلو 5 روپے67 پیسے فی کلو سستے ہوئے،چکن 13روپے29 پیسے,چینی 2 روپے 75 پیسے فی کلو،آٹے کا 20 کلو کا تھیلا 10 روپے 96 پیسے سستا ہوا، جبکہ ایل پی جی,گھی,دال مونگ,دودھ, دہی بھی سستی ہوئی۔
