سکھ رہنما گرپتونت سنگھ پنوں کے قتل کے منصوبے کی تحقیقات کا آغاز کر دیا گیا ۔ ایف بی آئی کے سینئر ڈائریکٹرکا تحقیقات کیلئے بھارت جانے کے فیصلےپرسکھوں کی طرف سے خیرمقدم کیا گیا ہے۔تفصیلات کےمطابق سان فرانسسکو کےگولڈن برج پرسکھوں کی جانب سے ریلی نکالی گئی جہاں ایف بی آئی کے حق میں نعرے لگائے گئے۔ ریلی کا اہتمام سکھ فار جسٹس نے کیا گیاتھا، شرکا نے مودی اور جے شنکر سندھو کے وانٹڈ والے پوسٹربھی اٹھا رکھے تھے۔ گرپتونت سنگھ پنوں نے کہا سکھ قتل کے خوف کے بغیر خودمختار خالصتان کے قیام کیلئے ریفرنڈم کے زریعے کوششیں جاری رکھیں گے، مودی ہمیشہ سرکاری استثنی کے پیچھے نہیں رہ سکےگا، سکھوں، مسلمانوں اور عیسائیوں کے خلاف جرائم پر مودی کو گرفتار کرکے اس پر مقدمہ چلاکر سزا دیں گے، میرے خلاف قتل کی سازش کرنے والے نکھل گپتا اور دیگر بھارتی حکام کے خلاف الزمات درحقیقت مودی پرالزمات ہیں۔گرپتونت سنگھ پنوں نے مزید کہا کہ مودی میرے قتل کے منصوبے میں براہ راست ملوث ہے۔ بھارت کے ہاتھوں قتل کا منصوبہ امریکی انٹیلی جنس ایجنسیوں نے فاش کیا تھا۔نکھل گپتا کے خلاف فرد جرم اصل میں مودی کے خلاف فرد جرم ہے، مودی اپنے سیاسی مخالفین کے خلاف تشدد کا ٹریک رکارڈ رکھتا ہے، امریکی حکام نے بھارتی شہری نکھل گپتا پر 29 نومبر کو گرپتونت سنگھ پنوں کے قتل کی سازش کی فرد جرم عائد کی تھی۔ گرپتونت سنگھ پنوں کے ساتھی ہردیپ سنگھ نجر کو کینیڈا میں قتل کردیا گیا تھا، کینیڈا نے ہردیپ سنگھ نجر کے قتل میں بھارت کے ملوث ہونے کا الزام لگایا تھا۔
