مسلم لیگ (ن )کی مرکزی سیکرٹری اطلاعات مریم اورنگزیب نے سماجی رابطوں کی ویب سائٹ ایکس (سابقہ ٹوئٹر) پر پارٹی قائد نواز شریف کی العزیزیہ ریفرنس میں بریت پر خوشی کا اظہار کیا۔انہوں نے لکھا کہ الحمدللہ، قائد محمد نواز شریف آج تمام مقدمات میں بری ہوگئے ہیں، جس نے اللہ تعالیٰ پر معاملہ چھوڑا تھا، اللہ تعالیٰ نے اسے آج سرخرو کر دیا۔ آج عوام کے سامنے اِن جعلی جھوٹے مقدموں کی حقیقت سامنے آ گئی ہے جس میں انصاف ملتے ملتے 7 سال گزر گئے ، ملک کا ناقابلِ تلافی نقصان ہوا۔ انشاءاللہ نواز شریف چوتھی بار پھر عوام کے ووٹ سے وزیراعظم بنیں گے ،ملک و قوم کی ترقی کا سفر وہیں سے شروع ہوگا جہاں رکا تھا. انہوں نے مزید لکھا کہ نوجوانوں کا روزگار ، مہنگائی میں کمی ، ترقی کی شرح 6.1 ، انشاءاللہ سب ٹھیک کرے گا ۔
