سرکاری حج سکیم میں درخواستیں جمع کروانے والوں کیلئے بڑی خوشخبری آگئی۔ترجمان وزارت مذہبی امور کے مطابق سرکاری حج سکیم کےتحت درخواستیں جمع کروانے کی تاریخ میں 22 دسمبر تک توسیع کردی گئی ہے،10دن توسیع کا اعلان وزارتِ مذہبی امور نے عازمینِ حج کے اصرار پر کیا۔اس حوالے سے ترجمان وزارت مذہبی امور کا مزید کہنا ہے کہ سپانسرشپ سکیم میں پہلے آئیے پہلے پائیے کی بنیاد پر درخواستیں وصول کی جا رہی ہیں ،بیرون ملک سے ڈالرز میں ادائیگی کرنے والے بلا قرعہ اندازی کامیاب قراردیے جائیں گے،عازمینِ حج کے اصرار پر وزارتِ مذہبی امور نے حجِ بدل پر پانچ سالہ پابندی ختم کر دی ،گزشتہ پانچ سال کے دوران حج کرنے والے امسال حج درخواست دینے کے اہل قرار دیدیے گئے،اکیلی خواتین حلف نامہ فراہم کرنے پر قابل اعتماد خواتین کے گروپ میں حج کر سکیں گی۔
