پیپلزپارٹی کے رہنما فیصل کریم کنڈی نے ن لیگ کی سیاست کو ڈرائنگ روم کی سیاست قرار دیا تو ن لیگ کا ردعمل بھی آگیا۔مسلم لیگ ن پنجاب کی ترجمان عظمیٰ بخاری نے فیصل کریم کنڈی کے بیان پر ردعمل میں کہا ہے کہ پیپلزپارٹی کو سمجھ آ گئی ہے کہ اُن کی سیاسی بقا نواز شریف کا نام لینے میں ہے ، پی پی پی کو یقین آ گیا ہے کہ عوام نے نواز شریف کو چوتھی بار بھی وزیراعظم بنانے کی تیاری کر لی ہے ،90 کی دہائی کی سیاست سے باہر آجائیں، پاکستان اس قسم کی کھوکھلی سیاست کا متحمل نہیں ہوسکتا۔ان کا مزید کہنا تھا کہ الیکشن سے پہلے رونے دھونے سے حقائق تبدیل نہیں ہوں گے،محنت کریں،حسد نہیں، اپنے امیدواروں کو کسی طرح پورا کرنےپرتوجہ دیں۔
