اسلام آباد پولیس نےجج اور ان کی اہلیہ کے مبینہ تشدد کا نشانہ بننے والی 14 سالہ رضوانہ کا بیان قلمبند کرلیا ہے۔ اپنے بیان میں رضوانہ نے الزام لگایا ہے کہ جج بھی اس پرتشدد کرتے تھے، سر دیوار میں مارتے تھے، انہیں بھی اسی طرح مارا جائے جس طرح وہ اس پر تشدد کرتے تھے۔ دوسری جانب چائلڈ پروٹیکشن بیورو پنجاب کی چیئرپرسن سارہ احمد کا کہنا ہے کہ اسلام آباد پولیس نے گھریلو تشدد کی شکار رضوانہ کا بیان لے لیا ہے،ان کی لیگل ٹیم بھی بیان کے وقت موجود تھی۔چائلڈ پروٹیکشن بیورو پنجاب کی چیئرپرسن نے کہا کہ بیان سے پہلے رضوانہ سے کہا تھا کہ تم نے گھبرانا نہیں،کسی کے کہنے پر بیان تبدیل نہیں کرنا،رضوانہ نے اپنے بیان میں کہا ہے کہ جج نے بھی اس پر تشدد کیا تھا۔
