چیف جسٹس سپریم کورٹ سے چیف الیکشن کمشنر کی ملاقات کے بعد عام انتخابات کیس آج ہی ہنگامی بنیادوں پر سماعت کیلئے مقرر کئے جانے کا امکان ہے۔ نجی ٹی وی کےمطابق چیف الیکشن کمشنر سکندر سلطان راجہ نے چیف جسٹس پاکستان قاضی فائز عیسیٰ سے ملاقات کی، اس دوران جسٹس طارق اور جسٹس اعجازالاحسن اور اٹارنی جنرل بھی موجود رہے۔اجلاس میں لاہور ہائیکورٹ کے فیصلے کے بعد تفصیلی مشاورت کی گئی۔ بتایا گیا ہے کہ مذکورہ اجلاس کے بعد عام انتخابات سے متعلق کیس کسی بھی وقت عدالت میں لگائے جانے کا امکان ہے۔واضح رہے کہ لاہور ہائیکورٹ کے جسٹس علی باقر نجفی پر مشتمل سنگل بینچ نے انتخابات کے لیے بیورورکریسی کی خدمات لینے کا الیکشن کمیشن کا نوٹیفکیشن معطل کردیا تھا۔
