امریکہ کے ایک سینیٹ ہیئرنگ روم میں دومردوں کے شرمناک تعلق قائم کرنے کی ویڈیو لیک ہو کر منظرعام پر آ گئی۔ ڈیلی پاکستان گلوبل کے مطابق یہ ویڈیو ’ڈیلی کالر‘ کی طرف سے سامنے لائی گئی ہے جس میں سینیٹ کے ہیئرنگ روم 216میں دو مردوں کو جنسی تعلق قائم کرتے ہوئے دیکھا جا سکتا ہے۔دونوں مردوں کے متعلق کہا جا رہا ہے کہ وہ امریکی کانگریس کے سٹاف کا حصہ ہیں۔ جس روم میں وہ یہ شرمناک حرکت کر رہے تھے وہ ہارٹ سینیٹ آفس بلڈنگ کا حصہ ہے اور وہاں کئی ہائی پروفائل سماعتیں ہو چکی ہیں، جن میں سپریم کورٹ کنفرمیشن سماعتیں بھی شامل ہیں۔ڈیلی کالر کی طرف سے دعویٰ کیا گیا ہے کہ یہ ویڈیو ایک ہم جنس پرست سیاستدان کی طرف سے ایک پرائیویٹ گروپ میں شیئر کی گئی تھی جہاں سے یہ لیک ہوکر سوشل میڈیا پر آ گئی۔ویڈیو میں نظر آنے والے ایک مرد کے متعلق کہا جا رہا ہے کہ اسے سینیٹر بین کارڈن کے آفس نے ملازمت پر رکھا تھا۔ آفس نے یہ ویڈیو سامنے آنے پر فوری طور پر اسے ملازمت سے ہٹا دیا۔
