سائفر کیس کی ان کیمرا سماعت کا ٹرائل کورٹ کا حکم اسلام آباد ہائیکورٹ میں چیلنج کر دیا گیا،بانی پی ٹی آئی نے اسلام آباد ہائیکورٹ میں درخواست دائر کردی۔نجی ٹی وی چینل کے مطابق درخواست میں استدعا کی گئی ہے کہ ٹرائل کورٹ کا 14دسمبر کا فیصلہ کالعدم قرار دیا جائے،اس درخواست کے فیصلے تک ٹرائل کورٹ کو مزید کارروائی سے روکا جائے، درخواست میں مزید کہا گیا ہے کہ انصاف کے تقاضے پورے کرنے کیلئے اوپن ٹرائل ضروری ہے،بانی پی ٹی آئی کی طرف سے بیرسٹر سلمان اکرم راجہ نے درخواست دائر کی۔
