آسٹریلیا میں پاکستانی ٹیم فٹنس مسائل سے دوچار،سپنر نعمان علی بھی ٹیسٹ سیریز سے باہر

آسٹریلیا میں پاکستانی ٹیم فٹنس مسائل سے دوچار ہے اور خرم شہزاد کے بعد سپنر نعمان علی بھی ٹیسٹ سیریز سے باہر ہوگئے، نعمان علی کا میلبرن ہسپتال میں اپینڈیکس کا آپریشن ہواہے۔نجی ٹی وی چینل کے مطابق نعمان علی نے گزشتہ روز اچانک پیٹ میں شدید درد کی شکایت کی تھی جس پر ایمرجنسی میں ان کا معائنہ اور سکین کیے گئے جس میں اپینڈیکس کی تشخیص ہوئی۔ بعد ازاں سرجن کے مشورے پر ان کی لیپروسکوپک اپینڈیکٹومی کروائی گئی۔ سرجری کے بعد وہ بہتر ہیں اور جلد ہی ہسپتال سے ڈسچارج کیے جانے کا امکان ہے تاہم ڈاکٹر نے نعمان علی کو مکمل آرام کا مشورہ دیا ہے۔خیال رہے کہ پہلے ٹیسٹ سے قبل نعمان علی کی انگلی میں کٹ لگ گیا تھا جس کی وجہ سے وہ پرتھ ٹیسٹ کیلئے دستیاب نہیں تھے۔