سعودی شہری نے سزائے موت پرعملدرآمد سے صرف چند لمحے قبل اعلیٰ ظرفی کا مظاہرہ کرتے ہوئے بیٹے کے قاتل کو معاف کردیا، اس معافی پرقاتل کی والدہ کی جانب سے جذباتی ردعمل دیکھنے میں آیا جن کا روتے ہوئے کہنا تھا کہ میں نے ہمت نہیں ہاری تھی۔ جدہ کے علاقے حمدانیہ میں 5 سال قبل معمولی بات پر ہونے والے جھگڑے کا نتیجہ سعودی شہری کے بیٹے کا قتل نکلا تھا۔ علاقے میں کارپارکنگ کے اختلاف پر 6 افراد میں ہونے والے اس جھگڑے کے دوران ایک شخص کو شدید زخمی حالت میں ہسپتال منتقل کیا گیا تھا تاہم وہ زخموں کی تاب نہ لاتے ہوئے چل بسا تھا۔پانچ سال پرانے اس واقعے کا کیس عدالت میں چلا اور قاتل کو سزائے موت سنائی گئی تھی۔ عدالتی فیصلے کیخلاف کی جانے والی مجرم کی اپیل بھی مسترد کردی گئی تھی۔۫اپیل مسترد ہونے کے بعد قاتل کے اہل خانہ نے مقتول کے ورثاء سے رابطہ کیا، اس دوران اصلاحی کمیٹی کی جانب سے بھی معاملہ حل کرنے کی کوشش کی گئی تاہم مقتول کے والد نے صلح پر رضامندی ظاہر نہیں کی تھی۔قاتل کے ورثاء نااُمید ہوئے اور بالآخر سزائے موت پر عملدرآمد کا دن آپہنچا۔قصاص کے دن میدان عدالتی اہلکار نے جرم کی نوعیت اور عدالتی فیصلہ سنایا لیکن آخری لمحات میں مقتول کے والد نے جلاد کو تلوار واپس رکھنے کا اشارہ کردیا۔والد کا کہنا تھا کہ، صرف اللہ کی رضا کیلئے اپنے بیٹے کے قاتل کو معاف کرتا ہوں۔’
