رہنما ن لیگ خواجہ آصف نے عثمان ڈار اور ان کی والدہ کے الزامات پر دونوں کو ہرجانےکا نوٹس بھیج دیا۔خواجہ آصف کی جانب سے عثمان ڈار کو ایک ارب روپے ہرجانے کا قانونی نوٹس بھیجا گیا ہے۔نوٹس میں عثمان ڈار کی والدہ ریحانہ ڈار سےبھی ایک ارب روپے ہرجانہ ادا کرنے کا مطالبہ کیاگیا ہے۔ خواجہ آصف نے قانونی نوٹس میں 14 روز کے اندر ہرجانہ ادا کرنے کا مطالبہ کیا ہے جبکہ نوٹس میں عثمان ڈار کی جانب سے لگائے گئے الزامات کا ذکر ہے۔خیال رہے کہ کچھ روز پہلے عثمان ڈار کی والدہ نے الزامات لگائے تھے کہ خواجہ آصف نے 20 لوگ ان کے گھر بھیجے تھے جنہوں نے انہیں زدو کوب کیا تھا۔عثمان ڈار نے بھی الزام عائد کیا تھا کہ پولیس ان کےگھر میں وارنٹ گرفتاری کے بغیر گھسی اور خواجہ آصف کی ایما پر ہی گھر پر حملہ کیا گیا۔
