پاکستان پیپلز پارٹی کے رہنما اور سابق وزیر ناصر شاہ نے کہا ہے کہ جنوبی پنجاب میں سب سے بڑی پارٹی پیپلز پارٹی ہو گی، سینٹرل پنجاب میں مقابلہ ہو گا، سینٹرل پنجاب کے ناراض جیالے واپس آ رہے ہیں۔ سکھر میں میڈیا سے گفتگو کرتے ہوئے انہوں نے کہا کہ انہوں نے کہا کہ پیپلز پارٹی کے مقابلے میں جیتنے والے بھی پیپلز پارٹی میں آگئے ہیں، کوئی کھل کر انتخابات کی بات نہیں کر رہا، کوئی سیکیورٹی کی اور کوئی موسم کی بات کر رہا ہے۔ نواز شریف کی آمد پر جو جلسہ ہوا، اس میں بھی الیکشن کی بات نہیں کی۔پیپلز پارٹی کے رہنما نے مزید یہ بھی کہا کہ پرویز الہٰی کی اہلیہ سے پیپر چھیننے کی مذمت کرتے ہیں، پی ٹی آئی 9 مئی کی سوچ رکھنے والے کو ڈس اون کرے گی تو ان سے بات کیوں نہیں ہو سکتی۔ بلاول بھٹو کہہ چکے ہیں پی ٹی آئی کو الیکشن میں حصہ لینے دیا جائے۔
