پنجاب میں آج شدید دھند کے باعث لاہور سیالکوٹ کا فلائلٹ آپریشن متاثر ہونے کے باعث8 سے زائد پروازیں منسوخ ہو گئیں ۔تفصیلات کے مطابق دھند کے باعث گزشتہ چار روز میں 100 سے زائد ملکی و غیر ملکی پروازیں آپریٹ نہیں ہو سکی ہیں، دبئی سے آئی پرواز سیالکوٹ میں پھر لینڈ نہ کر سکی اور واپس دبئی پہنچ گئی جبکہ مسقط سے سیالکوٹ کی پروازکو لاہور لینڈ کروایا گیا ،ابو ظہبی سے لاہور کی پرواز پی کے 364 دھند کے باعث اسلام آباد اتاری گئی،لاہور سے جدہ ، ریاض اور استنبول کی پروازوں کی روانگی میں بھی تاخیر ہوئی ۔دبئی ، دوحہ اور مسقط سے سیالکو ٹ کی پروازوں کی آمد میں بھی غیر معمولی تاخیرہوئی ۔اس کے علاوہ سیالکوٹ سے دبئی کی تین مختلف پروازیں بھی لیٹ ہیں،، ملتان، جدہ ، القسیم ،مدینہ اور شارجہ کی پروازوں کی آمد و روانگی تاخیر کا شکار ہے۔ایوی ایشن ذرائع کے مطابق اسلام آباد سے دمام ، جدہ ، ریاض اور دبئی ، کراچی سے دبئی ، مدینہ ، کولمبو اور جدہ کی پروازوں کی روانگی میں تاخیرہے ۔
