تحریک انصاف کے رہنما اور سابق وزیرمونس الہٰی کے وارنٹ گرفتاری جاری کردیئے گئے۔محکمہ اینٹی کرپشن کی درخواست پر جوڈیشل مجسٹریٹ نے جعل سازی کے مقدمے میں وارنٹ گرفتاری جاری کئے،واضح رہے کہ مونس الہٰی اس وقت ملک میں موجود نہیں ہیں اور گزشتہ سال ان کو وطن واپس لانے کے لیے قانونی عمل کا آغاز بھی کر دیا گیا تھا۔ گزشتہ سال مونس الہٰی کو واپس لانے کے لیے نگراں وفاقی حکومت کا انٹرپول سے رابطہ ہوا تھا اور اس حوالے سے ایف آئی اے نے انٹرپول حکام سے رابطے کئے تھے۔ ذرائع وفاقی حکومت کے مطابق مونس الہٰی کے خلاف تمام مقدمات کی تفصیل انٹرپول حکام سے شیئر کی گئی تھیں اور گرفتاری کیلئے ریڈ نوٹس جاری کرانے کا عمل شروع ہوگیا تھا۔
