کراچی میں پیپلز پارٹی کی کارنر میٹنگ کے بعد نکالی جانیوالی ریلی پر فائرنگ کر دی گئی۔نجی ٹی وی کے مطابق شہر قائد کے علاقے گلشن بونیر میں پیپلزپارٹی نے کارنر میٹنگ کا انعقاد کیا تھا جہاں نامعلوم افراد نے اندھا دھند گولیاں برسا دیں جس کے نتیجے میں 2 افراد زخمی ہو گئے۔ایس ایس پی ملیر کا کہنا تھا کہ پی پی امیدوار رفیع اللہ نے کارنر میٹنگ بلائی تھی جس کے بعد ریلی نکالی جا رہی تھی جس میں شرکت کیلئے جانے والوں پر فائرنگ کر دی گئی۔ انہوں نے کہا کہ خوش قسمتی سے پیپلز پارٹی کے امیدوار کو کوئی گزند نہیں پہنچی۔
