سندھ میں موجود سونو کنواں نمبر9 سے پیدوار شروع کردی گئی ہے جس سےیومیہ 1850 بیرل خام تیل حاصل ہوگا۔او جی ڈی سی ایل کے مطابق سندھ میں سونو کنواں نمبر 9 سے خام تیل کے بھاری ذخائر حاصل کرنے کا کامیاب تجربہ کیا گیا۔ ترجمان او جی ڈی سی ایل کا کہنا ہے کہ حاصل شدہ تیل کی پیداوار کو سسٹم میں شامل کردیا گیا ہے۔ترجمان نے مزید کہا ہے کہ 2 ہزار 350 میٹر تک گہری کھدائی کے بعد مطلوبہ پیداوار حاصل کی گئی ہے، ابتدائی نتائج کے دوران کنویں سے ایک ہزار 850 بیرل یومیہ خام تیل کی پیداوار حاصل ہوئی۔
