لاہور میں پنجاب انسٹی ٹیوٹ آف نیورو سائنسز میں بوائلر زور دار دھماکے سے پھٹ گیا جس کے نتیجے میں 2 افراد زخمی ہو گئے۔نجی ٹی وی کے مطابق دھماکہ پنجاب انسٹی ٹیوٹ آف نیورو سائنسز کی لیبارٹری میں ہوا، دھماکے کی شدت کے سبب لیبارٹری کی کھڑکیاں اور دروازوں کے شیشے ٹوٹ گئے۔زخمیوں کو طبی امداد کیلئے ہسپتال منتقل کر دیا گیا۔ پرنسپل پنجاب انسٹی ٹیوٹ آف نیورو سائنسز فرید ظفر نے بوائلر پھٹنے کی تصدیق کر دی۔زخمی ہونے والے دونوں طالب علم ہیں، جھلسنے والے ایک طالب علم مدثر کا 80 فیصد جسم متاثر ہوا جبکہ دوسرا طالبعلم سلیمان 20 فیصد جھلس گیا ہے۔
